Moti i nxehtë përfshinë vendin, këto janë temperaturat për pesë ditët e ardhshme

Moti i nxehtë përfshinë vendin, këto janë temperaturat për pesë ditët e ardhshme

Instituti Hidrometeorologjik i Kosovës, ka bërë të ditur se gjatë këtyre pesë ditëve do të vazhdojë të mbajë mot i nxehtë.

Temperaturat gjatë ditës pritet të arrijnë në 33 gradë Celsius.

“Masat e ajrit me presion të rritur atmosferik të cilat kanë përfshirë vendin, mbeten të qëndrueshme edhe për gjatë këtyre pesë ditëve të ardhshme. Kjo gjendje meteorologjike do të krijoj kushte për mot të qetë përjashtuar ditën e marte, ku vende-vende mund të ketë reshje të izoluara shiu.

Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 26-33 gradë Celsius.

Temperaturat mbi 30 gradë, parashihen në pjesën e dytë të javës. Indeksi UV do të jetë shumë i lartë, si pasojë e kthjellimeve dhe insolacionit.

Do të fryjë erë nga drejtimi i verilindjes me shpejtësi 1-6m/s”, thuhet në njoftimin e IHMK-së.

06Press

Leave a Reply

Your email address will not be published. Required fields are marked *