Enkelejda Arifi i është bashkuar Lëvizjes Vetëvendosje

Enkelejda Arifi i është bashkuar Lëvizjes Vetëvendosje

Këngëtarja shqiptare, Enkelejda Arifi, i është bashkuar Lëvizjes Vetëvendosje.

Këtë e ka bërë të ditur kryetari i këtij subjekti politik, Albin Kurti, i cili ka shtuar se Enkelejda Arifi është edhe në listën e kandidatëve të VV-së për deputetë.

“Këngëtarja e mirënjohur shqiptare, Enkelejda Arifi, na është bashkuar në Lëvizje dhe është në listën e kandidatëve të VETËVENDOSJE!-s për deputete në Kuvendin e Kosovës. Ajo vjen nga Durrësi ku është shkolluar për muzikë (flautë dhe kanto) dhe jeton në Gjilan ku punon si zyrtare për kulturë në komunë që nga viti 2010”.

Kurti tha se Arifi është këngëtare profesioniste prej 25 vitesh dhe ka një krijimtari të gjerë ku përfshihen dhjetra albume e këngë të zhanreve të ndryshme.

“Enkelejda në vitet 2001 e 2002 ishte mësimdhënëse në shkollën fillore “Abdullah Tahiri” të Malishevës në Gjilan, pastaj deri në 2006 ka punuar në programin për shoqërinë civile të NDI, për të vazhduar në vitin 2007 si koordinatore e NDI për Gjilan. Në vitet 2008 dhe 2009 ka qenë pjesë e KQZ-së në Gjilan si dhe trajnere për procesin zgjedhor. Ka përvojë disa vjeçare dhe është eksperte në avokim, lobim, monitorim të pushtetit lokal dhe procesit zgjedhor”, shkruan Kurti.

06Press

Leave a Reply

Your email address will not be published. Required fields are marked *