Zyrtare, nënshkruhet marrëveshja për bashkëqeverisje LVV-LDK

Zyrtare, nënshkruhet marrëveshja për bashkëqeverisje LVV-LDK

Lideri i Lëvizjes Vetëvendosje, Albin Kurti dhe kryetari i Lidhjes Demokratike të Kosovës, Isa Mustafa, kanë nënshkruar marrëveshjen për koalicionin qeverisës.

Detajet e marrëveshjes së nënshkruar i kanë bërë publike, krerët e dy subjekteve politike.

Lideri i LVV-së, Albin Kurti tha se janë dakorduar që në qeverinë e ardhshme t’i kenë 15 ministri, 2 zëvendëskryeministra dhe 33 zëvendësminitra.

“Kemi nënshkruar marrëveshjen, jemi marrë vesh për të gjitha, edhe për ndarjen e përgjegjësive në qeverinë e re ku do të bashkëqeverisim”, tha Kurti.

Lideri i LVV-së tha se për nënshkrimin e marrëveshjes për koalicion LDK do të mbajë mbledhje të Këshillit të Përgjithshëm, ndërsa LVV referendum partiak, ashtu qysh e kërkojnë statutet e dy subjekteve.

“Procesi nuk ka qenë i lehtë , por shumë më i isgurt sesa që është menduar ose transmetuar”, tha Kurti.

Ndërsa, kryetari i LDK-së, Isa Mustafa tha se kanë arritur marrëveshje që është në dobi të Kosovës dhe është në intres të ndryshimeve që duhet të ndodhin në vend.

“Vlerësoj se marrëveshja është rezultat i mirëkuptimit dhe një pune të përbashkët mjaft të gjatë me liderin e lëvizjes Vetëvendosje dhe me bashkëpunëtporët e tij. Kemi hulumtuar të gjitha alternativat, të gjitha mundësitë, kemi ardhur bashkërisht në një zgjidhje që e vlerësojmë se është në interes të Republikës së Kosovës”, tha Mustafa.

Sipas tij, ajo çfarë dëshirojnë në të armdhem është që kjo qeveri të jetë e suksehshme dhe t’i realizojë pritjet e qytetarëve.

Ndryshe, kjo qeveri do t’i ketë 15 ministri, dy zëvendëskryeministra dhe 33 zëvendësministra, ndërkaq Glauk Konjufca nga posti i kryetarit të Kuvendit do të marr post qeveritar.

Më 3 shkurt, në seancën plenare të thirrur nga i mandatuari për kryeministër, Albin Kurti, pritet të votohet për Qeverinë e ardhshme të Kosovës, të udhëhequr nga LVV-ja dhe LDK-ja.

Lëvizja Vetëvendosje dhe Lidhja Demokratike e Kosovës kanë nënshkruar  marrëveshjen për koalicion qeverisës.

Telegrafi merr vesh se nënshkrimin e marrëveshjes e kanë bërë liderët e dy subjekteve politike, Albin Kurti i Lëvizjes Vetëvendosje dhe Isa Mustafa i Lidhjes Demokratike të Kosovës.

Detajet e marrëveshjes së nënshkruar pritet të bëhen publike rreth orës 09:30 nga liderët e dy subjekteve politike, shkruan Telegrafi.

Zëdhënësi i VV-së, Arlind Manxhuka, ka njoftuar se Vetëvendosje do të mbajë konferencë për medie në orën 09:30, në hollin e Kuvendit.

Pas nënshkrimit të marrëveshjes ajo duhet të  marrë miratimin e organeve vendimarrëse të dy partive. Vetëvendosje dhe LDK do të mbledhin organet e partive, këshillat e përgjithshëm që ta aprovojnë marrëveshjen.

Më 3 shkurt, në seancën plenare të thirrur nga i mandatuari për kryeministër, Albin Kurti, pritet të votohet për Qeverinë e ardhshme të Kosovës, të udhëhequr nga LVV-ja dhe LDK-ja.

Për detajet e marrëveshjes Telegrafi do t’iu mbajë të informuar, pasi liderët e dy subjekteve politike t’i prezantojnë ato në konferencën për media. /Telegrafi/

06Press

Leave a Reply

Your email address will not be published. Required fields are marked *